2021年3月5日 星期五

疑似強逼症精神病的1個半月

最近1個半月好少上來blog,生活好多野都荒廢左,其實有段故事,亦都係懷疑自己有強逼症精神病的一次。

話說個半月前在外面唔小心被來歷不明的利器整到,流左少少血。本身不以為然,過左3、4日唔知點解突然發神經諗會唔會有 HIV (即係會做成愛滋病的病毒),一開始諗就一發不可收拾,控制唔到自己唔去諗。眾所周知,要驗有無HIV係有個空窗期,以前一直認為係3個月最穩陣。但上網查唔同國家的專家以及美國疾病控制及預防中心講現在新科技最早10日就驗到,最保守1個半月點都驗到出來。

其實理性咁諗,我咁樣中HIV的機會係遠遠低過出街比車車死、天降雜物打死或者突然心臟病發死。但因為呢個強逼症開始左就停唔到,每日不停係睇HIV資訊,連病毒係人體複製的數學模型的醫學論文都睇埋。呢個半月完全係茶飯不思,但又唔敢同人講,因為理性咁諗我的擔心係完全無必要。直到尋日終於test左,無野,正式脫恐。

不過都要講句,而家呢個年代中左HIV完全係可以食藥控制,唔係絕症,控制到某個程度甚至唔會傳染,Magic Johnson過左咁多年都好地地。

連個人投資組合2月條數都未埋,等心情平服後再搞。一句講曬,我只想身體健康。

4 則留言:

  1. 我諗你要接受幾樣野:
    1.你有強迫症
    2. 強迫症唔係痴線佬斬人,係情緒病。你唔會歧視癌症患者,但會歧視自己有情緒病,呢個係盲點
    3. 你可能呢期生活有某D大轉變或大壓力。信我,驗多十次無HIV你都係唔會安心。

    回覆刪除
  2. 俾蚊針到,會不會有? 我覺得有強迫症的都係聰明人。

    回覆刪除