美團一如所料都被反壟斷調查，跟阿里個case唔同的是，外賣基本只有2間公司，而其實對手阿里的餓了麼都唔係咩善男信女，所謂2選1其實餓了麼都大把。基本上2邊都有打茅波，不過美團贏左外賣巿場所以顯得美團茅d，其實不然。之後2邊都唔能夠2選1，其實影響甚微，甚至乎連本身餓了麼獨家的餐廳遲d比美團拎埋，美團相對餓之麼的優勢絕對唔係因為佢有做2選1咁簡單。
至於好多餐廳投訴比美團壓榨，其實又係傳媒做出來的雜音，美團的佣金率其實遠低於其他國家的外賣平台。餐廳覺得係美團下做得好苦，我認為係餐廳呢個生意本身就係好苦，特別大陸呢個競爭超激烈的巿場，好多就算有一定規模的餐廳紅左一紅就好快玩完，更唔好講普通餐廳仔，基本上有無外賣都係一個苦的生意，咁啱平台突左個頭出來比人做出氣袋咁解。我認為外賣對整個系統來講係增加左效率，例如可以突破座位及租金限制，問題只係餐廳做唔做到呢種轉型，例如同時做堂食同外賣而控制得唔好的話廚房好易做唔切。好多以外賣為主的餐廳(?)都做得風生水起，不過佢地唔會企出來幫美團/餓之麼講說話而已。
以前提過個人組合其中一隻最大持倉PSH有超過30% NAV折讓，去到最近稍為收窄至25%。PSH其中一個有折讓的可能原因當然是表現費，但16%表現費造成的折讓理論上最大只會有16%，而實際上應該係少過16%。另一原因當然是因為PSH所有持倉都有公開，投資者係可以直接抄功課而唔洗比錢，同ARKK差唔多。
在3月尾的投資人的信中，Bill Ackman提到，PSH披露的持倉並不是即時，好多時到PSH需要披露時個價已經上左去。更重要的是，PSH一些對沖操作所需的披露其實好少，無法抄足。PSH現時持有大量利率對沖合約，12月開始建倉，已經幫PSH賺左錢。其實呢個point我以前都有提，好多人對Ackman有個印象係佢係好基本面長期持有投資人，但唔代表佢對巿場無sense，佢過往的紀綠都證明呢點。
股票持倉方面，無變動。PSH持有的SPAC PSTH方面，本身以為3月底前會有deal但最後未能成事，只能繼續努力。
PSH會繼續是個人組合的核心持倉之一，一方面是PSH的高質素舊經濟股票的組合對自己個人組合是極佳的互補，另外是PSH依然是比理論折讓的最大值更大的折讓出售。
附上最新投資者的信的連結
3月 年初至今
組合 -4.0% -2.3%