2020年1月31日 星期五

2020年 1月個人組合小結

                   1月        年初至今      
組合            +2.9%      +2.9%       
SPY US      -0.3%       -0.3%     
盈富            -6.9%       -6.9%        
ACWI US    -1.7%       -1.7%       
(ETF表現用Bloomberg提供的總回報,是假設了股息再投資,並不代表個人投資者的真實回報)

1月市場極度波動,月內組合曾一度上升超過6%。肺炎擴散,自己組合的港股還有部份外國股如LVMH、Estee Lauder一定是捱的,但還好雲計算公司如CRM、ADBE、MSFT發威守住1月的成果。


組合十大長倉持股
                               比重         
Microsoft                7.9%
Visa+Mastercard    7.9% (我並沒有特別區分V跟MA,都視為同一個主題)
Apple                      7.8%
Amazon                  5.8%
MSCI                      5.7%
Adobe                    4.4%
PayPal                   4.4%
Salesforce.com      4.3%
Pershing Square    4.0%
LVMH                     3.9%

組合持有30隻股票 (包括短倉)
淨倉位 (長-短-現金) 為106%,槓杆部份用歐元及日圓孖展。

1月淨買入,有新股票包括Tesla、Wix、Mapletree Logistics Trust、Keppel Data Center REIT,另外清倉Netflix。Netflix當時買入一方面是覺得有一定基本面支撐,而股價被打了下來值得一搏,一輪反彈後覺得繼續坐值搏率一般故清倉。
TSLA上次提過,好多人話升左好難追,個人從來無呢種心理障礙。特別是拉長來看,過去5年TSLA大部份時間橫行,突然大爆升都只係追番過去幾年時間。但這股非常波動是事實,個人亦只是以慢速分注買入。
Wix是一隻SaaS股,早輪很多SaaS被洗下來,個人再想要不要買一些SaaS例如AYX。結果自己一個跟進很久的外國基金經理買了Wix,自己睇完佢寫的原因覺得幾有道理就跟進買入。
2隻REIT以前提過,現在落手買主要是自己計過條數認為自己有能力leverage up,雖然現在已槓杆至106%,但其實還有很多空間去加。但問題是自己有超過6成exposure在科技股 (包括互聯網、支付、SaaS等),槓杆後有必要增強組合穩定性,2隻REIT自己比較有信心穩穩陣陣地贏取比利息及潛在貨幣風險高的回報。

肺炎擴散保住條命要緊,不過最慘唔係死,係死唔去得番半條命

2020年1月26日 星期日

對Match (MTCH)的一點思考

長假期多時間思考,故連續出post。
個人最近思考的一個生意模式是dating app,dating app最大的玩家是Match Group亦即Tinder母公司。自己買過一次MTCH,然後無賺過錢就走左,主因係最後都係諗唔通個生意模式的優點。另外自己有個極小的陌陌(MOMO)持倉,但因武肺都係捱棍中。

過人很短暫在日本嘗試過Tinder,基本上就是比d異性的相片你睇,睇啱就右滑,唔啱就左滑,如果對方都右滑你就可以開始message。

個人最大的疑惑是這生意模式有個built in的churn,即是如果個用家成功找到意中人就會離開你個app。我諗地球上無幾多個生意係個用家好滿意你然後離開你,呢樣係同SaaS的生意模式完全相反。SaaS強調churn要低,churn低就當然係用家非常滿意你的產品所以唔會走。地球上大部份商品就係要用戶覺得滿意然後一直繼續用,dating app完全不是這回事。當然,你會話Tinder的目標人群可能係casual dating人群,佢地date完呢個過左一排又會回到Tinder上搵食。我諗呢個係Tinder係唯一真係做得巨大的dating app的原因,因為佢地係focus在casual dating。但casual dating這個市場有幾大真係不得而知,但肯定不能把整個單身人口當做市場潛在需求。

另外就是dating app單用戶壽命其實好短,一個人玩dating app玩得幾多年? 玩足5年我諗應該都悶到唔想再玩,同其他互聯網服務例如Amazon、Google好唔同。另外,過左某個年紀亦都可能不再適合玩dating app。

無可否認Tinder過去的表現非常好,但因以上原因總覺得增長很容易碰到樽頸位。歡迎各位blog友交流意見。

2020年1月25日 星期六

選股上的盲點 (二)

上一次提到一個選股上的盲點,農曆新年唔使點拜年,又思考了一段時間。

睇見香港上市的平安好醫生、新東方在線雖然無盈利但表現強勁,以及個人組合今個月少量買入Tesla。這些企業我認為都算類近VC (venture capital)投資,美國有大量這種企業,香港亦開始越來越多,例如近年有些生物科技股包括還未有收入的基石藥業。自己以前好少睇呢種股票,但打算去這個方向再研究,一來真的高質量穩定增長的公司我認為組合中已足夠多,二來有些風險回報比真的幾好。我要強調風險回報比,因為這些公司最後成唔成功其實個確定性不高,但隨時可以有好強的回報,所以類近VC投資。輸起上來會好似眾安、閱文咁,但我又調轉諗,好多正正常常的股票在錯的時機買入都可以輸4,5成或者更多,何不揀一些真的upside強大的去搏呢? 

至於無盈利無PE點估值呢? 有人直接用P/Sales,我自己會預測幾年後收入幾多然後估一個steady state margin,即是假設公司成功而且成熟後會賺一個怎樣的利潤率,會有多大的盈利。Steady state margin這概念是從Saas的模式借來的,我認為大部份科技類的類近VC投資也完全適用。至於用多高的steady state margin就要求你自己對公司業務有一定程度的認知了。

另外,現時肺炎急速擴散,投資組合有一些中國股票例如美團點評就捱左一棍,我相信例如LVMH以及Starbucks都會受不少影響,但其實這些都佔組合不算大的部份。我認為事件最後都會被解決,但短期的市場恐慌在所難免。如果你問萬一解決唔到點算? 咁就要睇何謂解決唔到,如果講緊完全失控全中國過百萬人中招甚至更嚴重,我真心認為我地坐係香港都唔會走得甩。呢一刻係literally保住條命仔最緊要。