2021年9月10日 星期五

交樓延期/雜談

 上次提到買左個樓花計劃用來自住,原本預計年尾交樓,但早2日收到通知因為不可抗力因素而要延遲4個月。上網睇發現原來今年都幾多樓花需要延期,不知是否疫情因素拖累。好在唔係等樓住加上供完樓後每月依然有足夠正現金流,但如果有d人一邊供一邊租樓等新樓入伙,可能會大失預算。現時都無咩可以做,唯有等。


個人股票組合方面,上半年表現雖為正數但依然不盡人意,工作忙,加上Q2的版塊輪動相當消磨意志,再加上組合少左球幾錢放了在樓花上,管理組合的鬥志大減。今年最受傷不用講是港股互聯網,另外reopening失敗亦導致舊經濟比較多的PSH表現不濟。最近對組合進行大執,清左好多雞肋買番一些SaaS,表現有番點起色,鬥志亦有點回歸。


工作方面今年比較煩的是公司去年在香港及另一個office各請了1個新仔,我都有份要幫佢地去幫大家 (help them help us),暫時都不盡人意。我都明批評d junior一蟹不如一蟹十足十廢老一樣,但其實2位新人都唔係細我好多,都係分別細1、2年。但做我這個行業有樣野好重要係識獨立工作,要識自己搵野做同諗下點樣build up自己,可能係教育制度問題,2位人兄都係唔係好清楚點樣自己take initiative去做野,都係人地叫先去做,暫時來講都係無解。

3 則留言: