紐約期油5月歷史性出現負數，我瞓左無睇，無緣見證歷史，倉中亦完全無同油直接有關的股票。3月初有朋友問油撈唔撈得，當時佢講左幾隻買期油的ETF，我對呢類玩期貨的ETF好反感，一來有好多隱藏費用，最記得曾經有朋友長揸VIXY，VIX多年處於低位，以為只會升唔會跌，但隻ETF不停roll期貨再加管理費就把NAV食到無曬。二來就算炒一轉，股市有好多股票背後實實在在賺錢的生意都可供炒一轉，無謂搞到咁複雜。
關於期油變負，Yan兄的blog文 (廢中雜談) 中解釋已足夠充份，今次係一件技術性事件。結果好多人無槓杆齋long都會爆煲，真係第一次聽。側面睇亦係一件貨物需求少到無人想要但要錢去儲存，貼錢都要送走佢，情況有d似搬屋時的大件垃圾。事實上所有商品都有如此特性，包括黃金，都是所謂negative carry，無息之餘仲要比錢去存。個人對商品興趣有限，大學果陣都會炒2野實金ETF，而家做野邊得閒炒出炒入。
長揸的話，個人對黃金有非常矛盾的看法，一方面個人認為黃金只係一舊金屬，毫無生產力，同一些有生產力的企業完全不可比。試想如果全世界d錢去曬買金個世界會變成點，藥明生物配股集資起廠無人買，AJBU配股做收購又無人接，匯豐要供股集資無人供。投資唔係投去提升生產力的項目，個個去曬買金以防爆煲的話個經濟仲點發展?
另一方面，個世界越來越癲，銀紙狂印，貨幣系統爆煲唔係無可能。個人認為真真正正創造價值的實業的價值並不拘泥於貨幣系統，無論個購買力用咩貨幣去計價，人總會繼續買Microsoft的服務，買Tesla的車。話雖如此，貨幣系統爆起煲來股票短期內都係會重傷，最直接唔洗諗咁多真係揸金，至少每個人都咁諗咁金就有佢的重要性。
個人組合沒有黃金
定期check: 現時個人組合IB margin call水位 - 現價下跌7成半
其實都幾複雜, 銀紙變廢紙, 但又要繼續信佢同用佢, 返工又係為賺錢, 唔知咩世界
回覆刪除對，而家未至於變廢紙，但唔知個tipping point來會點，可以參照一些有hyperinflation的國家，例如拉美某幾國
刪除今日有個報道，台灣PTT 有個網友0.05 入左期油(無人知佢係咪吹水，只見有貼交易記錄)，轉眼間就負幾百萬唔知最後會點。當然無人估到油價可以有負數，原則上IB 都會幫你平倉唔會有實物交收，但平唔到的話點呢?
回覆刪除錢係會越黎越唔值錢，不過我地呢類普通人買金買銀，有咩事唔通真係可以拎住啲金條走佬? 唔好話翻山越海去逃難，要我地連續行24小時好多人已經頂唔到了。扔落股市扔落磚頭其實都OK，始終一股匯豐一斤豆苖，或者一股建行一罐可樂咁都OK 吖。
石油都曾經被稱為黑金，而且佢係有實用價值都可以咁。有朝一日全人類失去對黃金的信仰亦並無不可呢。
是，黃金只係建基於信仰，同真正生產的企業不同，所以自己都係堅持買股或者
刪除磚頭，係有實際生產力，實際需求的資產
講得好好，唔係話買黃金唔會升值，但係如果全世界都買黃金唔買其他野，大家就要食西北風，經濟學重點是Trade，但黃金是Trade的敵人
回覆刪除對，其實如果黃金真係成為唯一值錢資產，應該已經社會大亂
刪除