2021年 3月個人組合小結

                    3月        年初至今      

組合            -4.0%      -2.3%       
SPY US       +4.2%      +6.4%     
盈富            -1.9%      +4.6%        
ACWI US    +2.9%      +4.9%       
(ETF表現用Bloomberg提供的總回報，是假設了股息再投資，並不代表個人投資者的真實回報)

3月市場極波動，組合繼續跌，利率上升對高估值持倉影極大。港股主要輸美團，美股則是DDOG、MELI等。升的則是舊經濟為主的Pershing Square及ASML。

組合十大長倉持股

                               比重         
藥明康德/生物          10.0% 

Pershing Square      8.8% 

Microsoft                 7.0%

騰訊/Prosus             5.7%

PayPal/Square        5.5%

美團                        5.5%

ARKK                     5.2%

Scottish Mortgage Trust 5.2%

ASML                      3.8%

Softbank                  3.5%

組合持有28股票 

淨倉位 (長-短-現金) 為89%。

3月買賣接近平手，買入了Disney及增持Nvidia，沽清康龍化成。

唔係話康龍係一間差的公司，我認為CRO賽道藥明及泰格之後就是康龍。康龍對比藥明是比較細，增長有機會因為比較細而較快，但僅此而已。論技術、論管理層過往表現完全不是一個層次。

好簡單，藥明康德成立於2000年12月，康龍2003年。中間只差3年，但藥明康德加藥明生物跟現在的康龍比差距絕不只有3年。又舉例如康龍現在先話招人才搞生物藥，藥明10年前已經有生物藥部門。現在大部份CRO公司都想複制藥明的路線，從一個小的專業慢慢擴展到像藥明這種全平台，但我好懷疑。例如昭衍成立於1995年，仲早過藥明，但點解今時今日規模可以差天共地呢? 過去成20年都無做到的事，點解會突然做到呢? 我唔否認中國biotech剛起步仲大把機會，但好明顯藥明的管理層的遠見同執行力比起其他對手係十分明顯。

2021年 2月個人組合小結

                   2月        年初至今      

組合            -3.2%      +1.8%       
SPY US       +2.8%      +1.7%     
盈富            +2.7%      +6.6%        
ACWI US    +2.3%      +2.0%       
(ETF表現用Bloomberg提供的總回報，是假設了股息再投資，並不代表個人投資者的真實回報)

2月市場極波動，組合由大升變轉跌，利率上升對高估值持倉影極大。港股3隻CRO為大跌主力。升的則是Softbank及舊經濟為主的Pershing Square。

組合十大長倉持股

                               比重         
藥明康德/生物          9.5% 

Pershing Square      9.2% 

Microsoft                 7.0%

騰訊/Prosus             6.2%

美團                        5.9%

PayPal/Square        5.3%

ARKK                     5.1%

Scottish Mortgage Trust 5.0%

Softbank                  3.9%

ASML                      3.4%

組合持有28股票 

淨倉位 (長-短-現金) 為88%。

2月淨買入，但因為有新的流動資金調入，整體持倉佔總資產是下跌的。買入了日本的基因篇輯公司Modalis。

但由於上一篇文提到的強逼症精神病，整個1月下旬以至全個2月基本上無曬戰意，得個睇字。戰意都無時寧可不戰，最近件事解決左先重新投入戰場。幸好持倉組合都係長遠有信心的公司，並未做成自己很大的恐慌。

疑似強逼症精神病的1個半月

最近1個半月好少上來blog，生活好多野都荒廢左，其實有段故事，亦都係懷疑自己有強逼症精神病的一次。

話說個半月前在外面唔小心被來歷不明的利器整到，流左少少血。本身不以為然，過左3、4日唔知點解突然發神經諗會唔會有 HIV (即係會做成愛滋病的病毒)，一開始諗就一發不可收拾，控制唔到自己唔去諗。眾所周知，要驗有無HIV係有個空窗期，以前一直認為係3個月最穩陣。但上網查唔同國家的專家以及美國疾病控制及預防中心講現在新科技最早10日就驗到，最保守1個半月點都驗到出來。

其實理性咁諗，我咁樣中HIV的機會係遠遠低過出街比車車死、天降雜物打死或者突然心臟病發死。但因為呢個強逼症開始左就停唔到，每日不停係睇HIV資訊，連病毒係人體複製的數學模型的醫學論文都睇埋。呢個半月完全係茶飯不思，但又唔敢同人講，因為理性咁諗我的擔心係完全無必要。直到尋日終於test左，無野，正式脫恐。

不過都要講句，而家呢個年代中左HIV完全係可以食藥控制，唔係絕症，控制到某個程度甚至唔會傳染，Magic Johnson過左咁多年都好地地。

連個人投資組合2月條數都未埋，等心情平服後再搞。一句講曬，我只想身體健康。

"巴菲特指標"再次出現

今朝一起身就見到Bloomberg其中一篇文章講引用巴菲特指標，2年幾前自己寫了一篇文解釋，有興趣可以睇多次。文章竟然稱之為Warren Buffett's favorite valuation metric，雖然巴菲特近10年都跑輸大巿，但都是自己偶像之一，巴菲特已經好多年無提過呢個指標。

其實即使是用S&P的歷史巿盈率作對比，本身就無咩參考價值，利率水平及指數成份已今時唔同往日，更不要說market cap/GDP這種更離奇的指標了。

2021年 1月個人組合小結

                  1月        年初至今      

組合            +5.2%      +5.2%       
SPY US       -1.0%      -1.0%     
盈富            +3.9%      +3.9%        
ACWI US    -0.3%      -0.3%       
(ETF表現用Bloomberg提供的總回報，是假設了股息再投資，並不代表個人投資者的真實回報)

1月市場繼續強勢，港股藥明、美團、騰訊/Prosus都強。外圍比較弱的是Pershing Square，主要是因為舊經濟較多，巿場一定程度上仍然擔心疫情。

組合十大長倉持股

                               比重         
藥明康德/生物          12.4% 

Pershing Square      8.6% 

美團                       6.9%

ARKK                     6.2%

Microsoft                 5.8%

Scottish Mortgage Trust 5.8%

騰訊/Prosus             5.7%

PayPal/Square        5.5%

MercadoLibre          3.4%

ASML                      3.4%

組合持有27股票 

淨倉位 (長-短-現金) 為92%。

1月淨賣出，月中有段時間超過10%回報，故lock in少部份利潤。買入Spotify，Teladoc，重新追番Tesla。最近巿場有部份對沖基金持重淡倉的股票特別瘋狂，故好多人衝出來話巿場有泡沫。其實我就唔覺對我有咩影響，所謂瘋狂係巿場的一小部份，然後就比人拿出來影射成個巿場都瘋狂，其實這種做法好反智。係要揪一小部份瘋狂出來的話，全年可能每日都揪到些例子出來。自己永遠係睇個股或板塊而唔係睇成個巿場，個人認為自己的持倉都好合理，無咩特別瘋狂的變動。