2021年 2月個人組合小結

                   2月        年初至今      

組合            -3.2%      +1.8%       
SPY US       +2.8%      +1.7%     
盈富            +2.7%      +6.6%        
ACWI US    +2.3%      +2.0%       
(ETF表現用Bloomberg提供的總回報，是假設了股息再投資，並不代表個人投資者的真實回報)

2月市場極波動，組合由大升變轉跌，利率上升對高估值持倉影極大。港股3隻CRO為大跌主力。升的則是Softbank及舊經濟為主的Pershing Square。

組合十大長倉持股

                               比重         
藥明康德/生物          9.5% 

Pershing Square      9.2% 

Microsoft                 7.0%

騰訊/Prosus             6.2%

美團                        5.9%

PayPal/Square        5.3%

ARKK                     5.1%

Scottish Mortgage Trust 5.0%

Softbank                  3.9%

ASML                      3.4%

組合持有28股票 

淨倉位 (長-短-現金) 為88%。

2月淨買入，但因為有新的流動資金調入，整體持倉佔總資產是下跌的。買入了日本的基因篇輯公司Modalis。

但由於上一篇文提到的強逼症精神病，整個1月下旬以至全個2月基本上無曬戰意，得個睇字。戰意都無時寧可不戰，最近件事解決左先重新投入戰場。幸好持倉組合都係長遠有信心的公司，並未做成自己很大的恐慌。

疑似強逼症精神病的1個半月

最近1個半月好少上來blog，生活好多野都荒廢左，其實有段故事，亦都係懷疑自己有強逼症精神病的一次。

話說個半月前在外面唔小心被來歷不明的利器整到，流左少少血。本身不以為然，過左3、4日唔知點解突然發神經諗會唔會有 HIV (即係會做成愛滋病的病毒)，一開始諗就一發不可收拾，控制唔到自己唔去諗。眾所周知，要驗有無HIV係有個空窗期，以前一直認為係3個月最穩陣。但上網查唔同國家的專家以及美國疾病控制及預防中心講現在新科技最早10日就驗到，最保守1個半月點都驗到出來。

其實理性咁諗，我咁樣中HIV的機會係遠遠低過出街比車車死、天降雜物打死或者突然心臟病發死。但因為呢個強逼症開始左就停唔到，每日不停係睇HIV資訊，連病毒係人體複製的數學模型的醫學論文都睇埋。呢個半月完全係茶飯不思，但又唔敢同人講，因為理性咁諗我的擔心係完全無必要。直到尋日終於test左，無野，正式脫恐。

不過都要講句，而家呢個年代中左HIV完全係可以食藥控制，唔係絕症，控制到某個程度甚至唔會傳染，Magic Johnson過左咁多年都好地地。

連個人投資組合2月條數都未埋，等心情平服後再搞。一句講曬，我只想身體健康。

"巴菲特指標"再次出現

今朝一起身就見到Bloomberg其中一篇文章講引用巴菲特指標，2年幾前自己寫了一篇文解釋，有興趣可以睇多次。文章竟然稱之為Warren Buffett's favorite valuation metric，雖然巴菲特近10年都跑輸大巿，但都是自己偶像之一，巴菲特已經好多年無提過呢個指標。

其實即使是用S&P的歷史巿盈率作對比，本身就無咩參考價值，利率水平及指數成份已今時唔同往日，更不要說market cap/GDP這種更離奇的指標了。

2021年 1月個人組合小結

                  1月        年初至今      

組合            +5.2%      +5.2%       
SPY US       -1.0%      -1.0%     
盈富            +3.9%      +3.9%        
ACWI US    -0.3%      -0.3%       
(ETF表現用Bloomberg提供的總回報，是假設了股息再投資，並不代表個人投資者的真實回報)

1月市場繼續強勢，港股藥明、美團、騰訊/Prosus都強。外圍比較弱的是Pershing Square，主要是因為舊經濟較多，巿場一定程度上仍然擔心疫情。

組合十大長倉持股

                               比重         
藥明康德/生物          12.4% 

Pershing Square      8.6% 

美團                       6.9%

ARKK                     6.2%

Microsoft                 5.8%

Scottish Mortgage Trust 5.8%

騰訊/Prosus             5.7%

PayPal/Square        5.5%

MercadoLibre          3.4%

ASML                      3.4%

組合持有27股票 

淨倉位 (長-短-現金) 為92%。

1月淨賣出，月中有段時間超過10%回報，故lock in少部份利潤。買入Spotify，Teladoc，重新追番Tesla。最近巿場有部份對沖基金持重淡倉的股票特別瘋狂，故好多人衝出來話巿場有泡沫。其實我就唔覺對我有咩影響，所謂瘋狂係巿場的一小部份，然後就比人拿出來影射成個巿場都瘋狂，其實這種做法好反智。係要揪一小部份瘋狂出來的話，全年可能每日都揪到些例子出來。自己永遠係睇個股或板塊而唔係睇成個巿場，個人認為自己的持倉都好合理，無咩特別瘋狂的變動。

2020年 年結 (個人組合及財務篇)

                 12月        年初至今      

組合            +8.6%      +62.4%       
SPY US      +3.3%      +18.4%     
盈富            +3.2%         -0.7%        
ACWI US    +3.9%      +16.3%       
(ETF表現用Bloomberg提供的總回報，是假設了股息再投資，並不代表個人投資者的真實回報)

12月市場因隨著慢慢消化疫苗消息，增長股開始重拾升勢。CDMO包括藥明及康龍大幅反彈是12月重要主力。外圍則有幾隻基金包括ARKK、SMT、Pershing Square帶動，個股則有Apple及Delivery Hero特別強。Delivery Hero獲南韓批准收購南韓最大外賣平台Woowa Brothers而爆升，但條件是Delivery Hero需要賣出本身持有的南韓第2大外賣平台Yogiyo，變相交易是從第2到第1的換位而不是吞併整個巿場，但Woowa Brothers本身已遠遠領先對手，相信優勢只會越來越大。

組合十大長倉持股

                               比重         
藥明康德/生物          11.0% 

Pershing Square     9.5% 

PayPal/Square        6.7%

ARKK                     5.9%

Microsoft                 5.9%

Scottish Mortgage Trust 5.9%

美團點評                5.7%

騰訊/Prosus            5.0%

Smithson                 4.8%

MercadoLibre          4.6%

組合持有25股票 

淨倉位 (長-短-現金) 為96%。

12月買賣接近平，沽清持有了近4年的Amazon，主要是有其他更好的增長機會。買入了ARKG、Snowflake及Pershing Square Tontine。

總結2020年個人組合絕對回報非常不錯，自己吸取了2019年落後S&P的教訓，盡量高倉位運行，3月硬食極痛苦但都叫苦盡甘來。但3月都因為槓桿而出現很大的失誤，幸好回頭看來那些失誤造成的4-5%永久損失相對下不算甚麼。下面是2020年以絕對金額計3大賺錢及3大輸錢的股票。

Hall of Fame: 藥明兄弟, 美團, Tesla
Hall of Shame: 日圓短倉, 一眾槓桿後買入的REITs

基本上輸錢都是槓桿起，自己3月前都有一定槓桿，都係10-20%左右，唔算多，但3月大暴跌都被逼斬野。一斬低位就斬曬d REITs，事後睇係正確，決定完全放棄槓桿買股息策略全力增長股，否則2020年下半年不會翻身。另一大錯誤是槓桿用了JPY去做，JPY同風險有負相關性，一個拆倉就2邊一齊挾。總結2020年輸錢是因為輕視了槓桿的風險。

賺大錢的是藥明兄弟，自己寫過幾篇關於藥明的，就此不提。Tesla也有一眾大神寫了無數了，自己年頭已買入Tesla，3月的時候有諗過斬Tesla，但最後決定斬所有REITs而堅守增長，當然遺憾是沒有買更多(每個人都會有的遺撼)。

2020年在個人層面各方面都是好年，事業上得到的提升頗大。
財務上的回報亦非常不錯，淨資產 (已扣除所有開支、還款及對家人的分派，MPF計算在內)比去年年底上升了超過95%，

展望2021年，事業上應該會繼續處於不錯的趨勢，雖然媽媽已退休，但自己都叫有足夠能力支持大家過不錯的生活。
股市來說，2020年的確非常強，但自己有點擔憂2021會像2018一樣。