近排股市大跌，自己的組合當然也大跌。最大問題是我的組合是槓杆的，雖然總槓杆只有1.2-1.3，但所有槓桿是用IB做而自己不是所有錢放IB，所以IB一直是1.7-1.8。但組合連續幾日大跌IB槓桿就升到2.0，昨晚美股跌停果段時間檢視自己的IB孖展，由跌停個位再跌多3成就要call margin。
自己只好斬左d非核心股，但問題是放係IB都大部份是重倉股，願意落手斬的本身就唔多，斬完都只係幫到少少。結果成晚諗點撲水過錢去IB去減槓桿，咁啱用開間銀行比3.5% 60個月還款，自己都借定，但d cash都要幾日先入到去我戶口。自己今朝就將僅有的現金也放到IB，朝早見美期還是不穩定，眼見再來多5日好似昨晚的大跌就要call margin，問埋朋友借錢去支撐。人生第一次係感到現金不夠要周圍撲水，還好美期已轉穩，銀行貸款到手就可把槓桿減到極到安全水平。
但這次教訓令我明白到本身的槓桿結構有好大問題。其一是IB的桿槓有點偏高，普通市場調整不難捱，但股災式下跌的確有差點爆的風險。其二是自己借的都是日圓、歐羅，在risk off時他們多數會升，變左我是double了自己的風險，現在回看，同美金比個funding cost 差左1.6-1.7%但爆起上來果種風險其實個人覺得唔值得冒。
未來唯有考慮除IB孖展外尋找其他funding cost，如低息p loan(如咁啱有)，放多點錢落IB減低IB槓桿以及注意外匯風險。
我同你情況差唔多，跌停時睇下保證金就開始賣嘢降margin。雖然輸唔少，但樂觀啲咁諗，食到應都只係俾咁少學費算係賺左呢!
回覆刪除尋晚股債外匯三邊一齊輸，一邊賣嘢一邊準備再搬cash 入去。之前欠落啲JPY/CHF/EUR 就繼續欠落去，始終而家係避險所以啲錢湧晒落去呢D 貨幣度，不過同時拎住美金咁等佢地返去正常價位先清左啲short position 呢。
對，今次算係自己投資以來跌得最勁的一次，也是一次寶貴經驗
刪除x3, 孖展依單野要唸下點安全啲, 似乎IB到極端情況好難買賣又係另一個risk
回覆刪除對，其實係可以擺多d錢入IB，但始終有concentration risk。而且無咁方便，銀行沽完貨過2日settle左現金就用得
刪除IB個portfolio margin個requirement有冇收緊左?
回覆刪除好似唔覺有，但除時收緊唔出奇
刪除我一直唔用margin, 就係唔想在市況動盪時迫放重倉股.
回覆刪除昨日被IB強制賣出了BBBY Bond。現在個市升番，但Margin仲係3.0，唔知過幾日會唔會再捅我一刀，又自動幫我賣野。冇你咁好彩，班到水求倉，祝我好運。
回覆刪除經過這一疫, 雖未到被call margin 的邊緣, 不過小弟亦學會到要平衡風險與收益
回覆刪除如果距離 call margin 還有30% buffer, 又已經撲到水，無必要純粹為了降低槓桿比率而出貨吧。
回覆刪除似乎有點本末倒置呢。
無法，眼見有30%水位但其實唔知IB會唔會突然收緊。都係斬左少少雞肋股去守住核心組合，核心持股點都唔沽。
刪除剛好今早p loan錢到手重回安全水平了
認同,要做好槓桿呢門功課,真係一D心力都不少,
回覆刪除宜家美元借貸都去到1.6%到,真係可以由日元/歐羅轉回美元,
起碼無外匯風險