2020年8月28日 星期五

潘興廣場

個人投資組合一直有個持股叫Pershing Square Holdings,自己曾經介紹過,是基金經理Bill Ackman的投資旗艦。Ackman係我其中一個最佩服的基金經理,他的訪問、shareholder letters我全部有睇,對他的投資理念算是比較理解,所以好放心投資Pershing Square。最近PSH每天都在回購,自己都跟進將PSH推到上組合最大持股。回購的原因好簡單,PSH股價相對資產淨值(NAV)有成30%折讓,是上市以來最高,原因不明,但Ackman就講過呢個咁大的折讓令PSH有一個好吸引的投資機會,就是直接回購。個NAV出現一定折讓係正常,因為PSH會收管理費同表現費,變相要將該基金的未來回報一部份分出來,但亦解釋不了這麼大的折讓,PSH上市後有一大段時間的折讓都只在單位數,但自Ackman從2015/16年Valeant一戰奶左野,個折讓就越來越大。我相信Ackman已經今時唔同往日,團隊已經更聚焦在投資分析而不再是activist的campaign,再加上Ackman都係聰明人,基金不斷回購大折讓股份本身就會慢慢推高個NAV,應可拉動股價上漲。

另外一個重要原因點解推到上最大持股是PSH比較聚焦舊經濟股,持股只有10隻,3月時disclose的都是舊經濟股如Hilton、Lowe's、Starbucks、Chipotle等。最近版塊輪動經常發生,有感需要添些舊經濟股給成手都係新經濟科技股的組合帶來更多平衡。但買舊經濟股係高難度動作,話明舊經濟,公司都唔會係好exciting的行業,唔同新經濟大勢所趨買一大籃子股票都可以有好回報,舊經濟對選股要求遠高於新經濟,問下呢2年玩港股的就明白了,所以我唔會不自量力自己在舊經濟選股。既然係咁咁不如outsource比一個回報理念同自己相似,而且有proven track record的人去投資這個領域,加上有咁大的NAV折讓而同時基金日日回購,個人認為幾適合自己的投資組合。




10 則留言:

  1. 感謝分享, 剛你介紹後, 剛才睇左 Pershing 的最新一篇文章, 受益不少

    回覆刪除
    回覆
    1. 謝支持,我認為Ackman是一個非常值得跟進的基金經理

      刪除
  2. 回覆
    1. 不明白taichen兄的意思?可否解釋?

      刪除
  3. 謝分享
    請問師兄,PSH係咪荷蘭上市?!
    美股好似搵唔到...

    回覆刪除
    回覆
    1. Ozil兄你好,無錯,PSH係荷蘭同倫敦上市

      刪除
    2. Oh 原來係咁
      咁你係用英鎊/EURO買?!

      刪除
    3. 雖在歐洲上市但其實係美金報價,而且PSH組合內持股全是美股

      刪除
  4. 安利兄, LSE分左PSHP和PSHD, 股價分別2千幾和2十幾,
    知唔知除股價大小 還有其他分別嗎?

    回覆刪除
    回覆
    1. Sboy兄你好,LSE分開2個,你講的20幾果個係美金計價,2千幾果個Pence (100 pence為1英鎊),2隻除計價貨幣外無分別,但有時可能會因英鎊匯率出現微量價差

      刪除